Mae gofal diwedd oes yng Nghymru ar y dibyn. Mae’r system dan straen ac mae bylchau mewn darpariaeth yn golygu bod dim digon o bobl yn cael y gofal a'r gefnogaeth sydd eu hangen arnynt.
Rhaid i Lywodraeth nesaf Cymru weithredu.
Eisiau hyn yn Saesneg?
Mae’n hen bryd trawsnewid gofal diwedd oes
Cynhelir etholiad nesaf Senedd Cymru ddydd Iau 7 Mai 2026. Dyma’r cyfle i bwyso ar Lywodraeth nesaf Cymru i gymryd y camau radical sydd eu hangen i drawsnewid gofal diwedd oes. Allwn ni ddim fforddio gwastraffu amser yn cael hyn yn iawn.
Heddiw, mae gormod o bobl yn byw gyda salwch terfynol, a rhai sy'n agos atynt, yn parhau i dreulio eu dyddiau olaf ar eu pen eu hunain, mewn poen ac yn ei chael hi'n anodd cadw dau ben llinyn ynghyd.
Heb newid, bydd y broblem yn gwaethygu. Erbyn y 2040au, mae'n debyg y bydd angen gofal lliniarol a gofal diwedd oes ar 37,000 o bobl yng Nghymru bob blwyddyn – cynnydd o bron i 16% o'i gymharu â heddiw. Mae hynny'n golygu mwy o bobl wedi'u hynysu, mewn poen ac yn ei chael hi'n anodd ar ddiwedd eu hoes.
Rydym yn galw ar Lywodraeth nesaf Cymru i...
- Sicrhau bod gwasanaethau gofal lliniarol a gofal diwedd oes yn ymateb i anghenion pobl.
- Ariannu gofal lliniarol a gofal diwedd oes yn gynaliadwy.
- Datblygu gweithlu gofal lliniarol a gofal diwedd oes sy'n diwallu'r angen cynyddol am ofal.
- Sicrhau bod pobl sy'n byw gyda salwch terfynol yn cael eu cefnogi i gael sgyrsiau am eu dewisiadau gofal.
- Darparu mynediad 24/7 at ofal a chymorth.
- Sicrhau bod pobl sy'n byw gyda salwch terfynol yn cael eu cefnogi i adael yr ysbyty’n gyflym, pan fyddan nhw’n gallu gwneud hynny.
- Gwarantu mynediad teg at ofal lliniarol a gofal diwedd oes.
- Rhoi’r gefnogaeth sydd ei angen i ofalwyr di-dâl.
- Diogelu pobl sy'n byw gyda salwch terfynol rhag tlodi.
